Novitads Surselva

Il pli grond implont fotovoltaic vegn aviarts a Schluein
Foto: La Quotidiana
Tier nus ellas muntognas aunc pli fetg che giu la Bassa. Quei vegn ad esser d’engrau al niev e pli grond implont solar ch’ei dat en Surselva. La firma Candreja ei vidlunder da realisar quel a Schluein.

Sin ina surfatscha da 3000 meters quadrat han ins installau 1584 moduls solars. Sils tetgs schai ina peisa da 100 tonnas. Quei material sils tetgs plats dalla firma Candreja a Schluein ha denton in pulit effect. Igl implont da fotovoltaica che vegn baghegiaus dapresent producescha energia ella dimensiun da 430 000 kilowatts l’ura. Per cumparegliar: Igl implont per liung dalla A13 denter Domat e Cuera producescha 120 000 kwh, quei che corrispunda al diever da 35 casadas. Il niev implont fotovoltaic all’entrada dalla zona d’industria a Schluein ei veseivels naven dil stradun digl Alpsu. Cheu vegn produciu energia per 120 casadas. Igl ei il pli grond implont da tal gener ch’ei dat actualmein en Surselva. L’energia solara drova la firma Candreja denton buca sezza, ella vegn furnida ella reit publica dalla Repower. La forza dil sulegl ei daventada ina alternativa indispensabla dil provediment electric. Enviers igl ieli da scaldar e l’energia atomara vegnan las alternativas pli e pli impurtontas. (La Quotidiana, ils 8 da december 2014)



Sedrun: Edifizi effizient a l'energia cun current solar dal tetg 
La chasa d'abitar e da fatschenta moderna cumpiglia ultra da la nova agentura da la Banca Chantunala Grischuna er il biro da turissem, la scola da skis, il biro d'infurmaziun da la Andermatt-Sedrun Sport AG e sis abitaziuns da 4 ½ stanzas. La maurusfrei Architekten AG è stada responsabla per la realisaziun.

L'entir edifizi è vegnì construì en il standard da chasa passiva minergia-p. Per la gronda part da las lavurs han ins resguardà interpresas regiunalas. La Banca Chantunala ha amplifitgà supplementarmain il stabiliment cun in indriz fotovoltaic sin tetg. Il current ch'ins gudogna cun l'energia solara vegn duvrà directamain per l'edifizi e la banca. Las 31'300 uras kilowatt ch'ins spetga correspundan a la media dal consum annual da set chasadas da mintgamai quatter persunas. L'indriz han ins finanzià cun il fond da persistenza reservà spezialmain per projects da la banca. (La Quotidiana, 10 nov. 2014)


Honur per casa nova a Lumbrein

La casa sedistingua opticamein
strusch dallas autras, cun excepziun
dil liung balcun cun cellas solaras.
Oz surdat l’agentura solara svizra (SAS) a Lucerna per la 24avla gada il premi solar svizzer 2014 «Norman Foster Solar Awards». Ei setracta d’in premi che vegn, evidentamein pervia dallas cundiziuns generalas, pli e pli prestigius.

L’energia solara s’auda tier las regenerablas. Tonin e Rosmarie Casaulta da Lumbrein han viu quei e perquei encuretg in biro che construescha per els ina casa cul label «PlusEnergieBau». Il biro Vincenz + Weishaupt retscheiva per la la secunda gada quei premi.

Il pensum ei daus e las cundiziuns enconuschentas: Enteifer in decenni ston las tiaras industrialisadas reducir lur cumparts da CO2. Vitier vegn che la Svizra sortescha dall’energia atomara. El Grischun dat ei alternativas, per exempel la forza hidraulica. Ni la forza dil sulegl, e forsa era quella dil vent. Tuttas han potenzial, e tuttas drovan buca CO2. En loghens senza tschaghera e brentina – sco per exempel en Lumnezia – fa ei denton senn dad eleger energias regenerablas. Tonin e Rosmarie Casaulta han viu quei enten planisar lur casa d’ina famiglia a Lumbrein. Els han priu igl exempel dalla casa solara da Ruschein da Maria Cadruvi ed Andreas Joos. Quella ha retschiert il 2010 il premi solar svizzer. Quater onns suenter va la honur a Lumbrein. (La Quotidiana, 3.10.2014)



Web-GIS Schluein cun cataster solar 
Sco autras vischnauncas dalla Surselva porscha era Schluein als applicaders digl internet differentas pusseivladads da s’informar e clamar giu datas. Aschia cuntegn nossa pagina www.schluein.ch denter auter era ils mieds dalla planisaziun locala (plans e lescha da baghegiar). En connex culla planisaziun purschein nus als applicaders la pusseivladad da s’informar tier l’adressa www.geo-surselva.ch (selecziunar vischnaunca Schluein). Naven d’immediat ha nies geometer cargau il cataster solar dalla vischnaunca da Schluein silla pagina www.geo-surselva.ch/schluein. Il survetsch ei gratuits ed accessibels ad in e scadin. Cun cliccar silla parcella resp. sil tetg dil baghetg giavischau cumpara ina finiastra che cuntegn las informaziuns necessarias per giudicar las valurs per l’energia solara. (Schluein, ils 6 da december 2013 Administraziun communala Schluein)

Schleuis mit Solarkataster Wie andere Gemeinden der Surselva bietet auch Schleuis den Internet-Anwendern verschiedene Informations- und Abrufmöglichkeiten. In den letzten Tagen hat unser Geometer den Solarkataster der Gemeinde Schleuis auf diese Seite geladen. Die Dienstleistung ist gratis und für jedermann zugänglich. Mittels Anklicken der gewünschten Liegenschaft bzw. einem Gebäudedach erscheint ein Fenster mit den Sonneneinstrahlungswerten die benötigt werden, um die Eignung für Solarenergie beurteilen zu können. (Schleuis, 6. Dezember 2013 Gemeindeverwaltung)


Grond interess pils fatgs dall’energia

La sonda vargada ha Repower aviert l’escha e las portas da siu niev luvratori a Glion ed il medem mument dau in’investa profunda en siu camp da lavur. Collaboraturs han informau ils biars visitaders davart igl engaschament dall’interpresa en Svizra ed egl exteriur. Repower ei numnadamein era engaschada ell’Italia, la Germania e la Rumenia. Ultra dallas informaziuns davart las lavurs da projectaziun, construcziun e manteniment dalla reit sco tala ha Repower era orientau las visitadras ed ils visitaders davart entgins projects specials e pli gronds. In da quels pertucca il cataster solar. En entelgientscha cun las vischnauncas eregia Repower communablamein cun in biro d’inschignier in catastercun tuts baghetgsellas zonas principalas da habitar, denter auterera en Surselva.

Sin fundament dallas mesiraziuns e registraziuns che succedan entras ina drona sa vegnir eruiu con bein ch’il liug ed il baghetg sco tal san survir per la producziun d’energia solara. La drona che sgola per ordinari sin in’altezia da rodund 200 meters fa fotografias dil territori e dils objects. Quellas mesiraziuns, mo era evaluaziuns dil territori, furneschan allura datas precisascon bein ch’in baghetg ei adattaus perexempel per indrezs da fotovoltaica. La sonda vargada ha Repower denton era orientau davart siu project d’ina ovra electrica cun cotgla ell’Italia. Cun agid d’in modelei la situaziun a Saline Joniche vegnida presentada. L’ovra che sesanfla sper la mar e che vegness furnida oravontut cun cotgla menada neutier cun bastiments pudess producir in sisavel dall’entira energia che vegn producida oz en Svizra. (La Quotidiana, ils 19 d'avust 2013)


Energia solara - producziun optimala contra formaziun dil maletg dil vitg
Mardis, ils 19 da zerclaudur 2012, 20:15 uras el Center sursilvan d'agricultura

La nova politica d’energia vul extrar ord l’energia producida cun atom. Cunqei dat ella niev schlontsch allas energias alternativas, sco a l’energia solara ed a l’energia da vent. La construcziun da cundrezs da solar sin mintga surfatscha libra d’in baghetg stat denton per part en conflict cun la protecziun dalla cuntrada respectiv cul maletg da vitgs intacts.

Christian Wagner, docent per architectura alla HWT a Cuera referescha sur da quella problematica. El ei denter auter cussegliader da l’instanza da baghegiar dalla vischnaunca da Mustér.

Cordial beinvegni!

Sonnenenergie - Wirtschaftlichkeit kontra Dorfbildgestaltung
Dienstag, 19. Juni 2012, 20:15 Uhr im Center sursilvan d'agricultura
Die neue Energiepolitik mit dem Atomstromausstieg gibt den alternativen Energien wie Sonnenenergie und Windenergie neuen Auftrieb. Die Errichtung von Solaranlagen auf jeder freien Gebäudefläche steht jedoch teilweise im Konflikt mit dem Landschaftsschutz resp. mit intakten Dorfbildern. Christian Wagner, Dozent für Architektur an der HTW Chur und unter anderem Bauberater der Gemeinde Disentis referiert über diese Problematik.  



Investa dil bein puril ed attracziuns per pign e grond sil menaschi da Carli Tuor a Rabius/Marias

dumengia, ils 6 da matg 2012 a Rabius

Sfidas en l‘agricultura da muntogna
Presentaziun dil menaschi e rispostas sin las sfidas ord vesta dil menaschi biologic cun producziun da latg da Carli Tuor.

Energia solara era sin nos tetgs?
Investa digl indrez fotovoltaic niev sin il baghetg economic agricol cun informaziuns dil construider MBR Solar SA.

Emissiuns d‘ammoniac en l‘agricultura
Tgei pusseivladads ha l’agricultura da sminuir las emissiuns d’ammoniac. Informaziuns da Valentin Luzi digl ALG.
Entir di pusseivladad da gustar buns products regiunals, gentar ni marendar. Differents animals da casa sveglian segiramein las marveglias dils affons. Plinavon dat ei giugs per pign e grond.  



Premi per il runal solar a Tenna
Il runal solar a Tenna / Solarskilift Tenna
La Fundaziun svizra per l’ambient surdat il premi 2012 al runal solar Tenna. Per ils responsabels saja quai ina gronda satisfacziun, di Felicia Montalta ch’è inizianta dal runal e manadra da project tar l’offensiva da qualitad turistica «Enjoy Switzerland». (LQ)





Cun energia solara egl avegnir
La casa nova da Maria Cadruvi ed Andreas Joos paradescha silla terrassa sulegliva da Ruschein. In num ha la casa dessignada dils architects Fabian Vincenz e Linus Weishaupt buc, persuenter penda la tabla da certificat per baghetgs da minergia p sper l'entrada ed il venderdis ei la casa passiva a Ruschein vegnida distinguida cul premi solar svizzer 2010 e cul premi Norman Foster Solar Award 2010.

Maria Cadruvi e siu um Andreas Joos vulan buca mo discuorer dalla midada dil clima e da resursas che van plaunet a fin, mobein far enzatgei pigl ambient. Perquei seigi ei stau clar ch'els baghegien silla terrassa sulegliva da Ruschein ina casa passiva. Planisar l'emprema casa da plus-energia en Surselva ei stau ina sfida pils architects Fabian Vincenz e Linus Weishaupt da Glion che han collavurau intensivamein cun Alfons De Stefani da Cuera, il planisader e realisader dalla tecnica per la casa passiva. Ussa funcziuna quella a moda optimala e producescha dudisch pertschien dapli energia che quei ch'ella absorbescha. Nus havein visitau Maria Cadruvi ed Andreas Joos che han declarau co lur casa passiva funcziuna senza producir CO2. (ANR/LQ 6. 9. 2010)

Keine Kommentare:

Kommentar veröffentlichen

Vielen Dank für Ihren Kommentar. Die Kommentare werden von uns zuerst gelesen und anschliessend freigeschaltet. Kommenatre, welche am Thema vorbei sind oder dem guten Geschmack zuwiderlaufen, werden nicht veröffentlicht.